ڈی جی ایل ڈی اے آمنہ عمران کو تبدیل کردیا گیا

( سٹی 42 ) ڈی جی ایل ڈی اے آمنہ عمران کو تبدیل کردیا گیا، عثمان معظم نئے ڈی جی تعینات، حکومت پنجاب نے گریڈ 19 کے افسر عثمان معظم کو فوری طور پر ڈی جی ایل ڈی اے تعینات کرنے کا نوٹیفکیشن جاری کردیا ہے۔

تفصیلات کے مطابق ڈی جی ایل ڈی اے آمنہ عمران خان کو فوری طور پر او ایس ڈی بنا دیا گیا ہے۔ حکومت پنجاب نے عثمان معظم کو حکم دیا ہے کہ وہ آج ہی فوری طور پر ڈی جی ایل ڈی اے کا چارج سنبھال کر کام شروع کریں۔ عثمان معظم کا تعلق ڈی ایم جی کے 29 ویں کامن سے ہے.

اس سے قبل ڈی سی خانیوال، سپیشل سیکرٹری محکمہ ہیلتھ ایڈیشنل سیکرٹری محکمہ ہیلتھ، ایڈیشنل سیکرٹری خزانہ بلوچستان، ڈسٹرکٹ کلکٹر اوکاڑہ اور شیخوپورہ بھی خدمات انجام دے چکے ہیں۔ عثمان معظم نے سول انجیئر اور پبلک ایڈمنسٹرئیشن میں ایم اے سنگاپور سے کیا گیا ہے جبکہ ڈی سی لاہور صالحہ سعید کے بہنوئی بھی ہیں۔