بینک روڈ(علی ساہی) پولیس کے88انسپکٹروں کو ڈی ایس پی کے عہدے پر ترقی دیدی گئی۔
تفصیلات کے مطابق آئی جی پنجاب شعیب دستگیرکے احکامات پر سنٹرل پولیس آفس میں محکمانہ پروموشن بورڈ کا اجلاس ہوا، ایڈیشنل آئی جی اسٹیبلشمنٹ بی اے ناصر کی زیر صدارت ہونے والے اجلاس میں ڈی آئی جی ہیڈ کوارٹرز سید خرم علی اور ڈی آئی جی اسٹیبلشمنٹ اشفاق احمد خان سمیت دیگر افسربھی موجود تھے۔
اجلاس میں تسلی بخش ریکارڈ کے حامل اور کورسز مکمل کرنے والے 88 انسپکٹرز کو ڈی ایس پی کے عہدوں پرگریڈ 17 میں ترقی کی منظوری دی گئی، انسپکٹرز کی سنیارٹی لسٹ کو بھی مد نظر رکھا گیا ہے۔
دوسری جانب ڈی آئی جی عبدالرزاق چیمہ کو ایڈیشنل آئی جی کے عہدے پرترقی دیدی گئی، کیپٹن (ر) احسان طفیل کو گریڈ21میں ترقی دے کران کی خدمات پنجاب کے سپرد کردی گئیں۔