سعید احمد سعید:صدر پی پی سینٹرل پنجاب قمر الزمان کائرہ کا کہنا ہے کہ اداروں کو گالیاں دینا نواز شریف کا وطیرہ ہے، سینٹ الیکشن میں پیسے چلنے کی بات کرنے والوں نے عام انتخابات سے قبل اپنے اراکین اسمبلی پر فنڈز کے منہ کھول دیے، کیا یہ دھاندلی کے زمرے نہیں آتا۔ قمر الزمان کائرہ نے پریس کانفرنس کی۔

ماڈل ٹاؤن میں صدر پیپلز پارٹی وسطی پنجاب قمر زمان کائرہ نے میڈیا سے گفتگو کرتے ہوئے کہنا تھا کہ اداروں کو گالیاں دینا نواز شریف کا وطیرہ ہے، آج نواز شریف جو کچھ کر رہے ہیں کل وہ اس پر بھی معافی مانگیں گے۔قمرالزمان کائرہ کا کہنا تھا کہ ائیر بلیو وزیر اعظم جس طرح سینیٹ چیئرمین پر برس رہا ہے، کیا وہ پارلیمان کی توہین نہیں؟ ہم ایوان بالا کے چئیرمین پر کہے جانے والے الفاط کی مذمت کرت ہیں۔

انکا مزید کہنا تھا کہ لاہور میں کہیں اپکا ملازمین تو کہیں لیڈی ہیلتھ ورکرز اپنے جائز مطالبات کے حق میں سراپا احتجاح ہیں اور ہم احتجاج کرنے والوں کے ساتھ ہیں۔ قمرالزمان کائرہ کا کہنا تھا کہ بھٹو شہید کی برسی پر بھٹو ویک منایا جائے گا، اس حوالے سے تمام اضلاع اور شہروں میں ذوالفقار علی بھٹو اور آج کا پاکستان کے نام سے تقاریب ہوں گی۔