علی ساحی : آئی جی پنجاب ڈاکٹر عثمان انور کی ہدایت پر پنجاب پولیس میں محکمانہ ترقیوں کا عمل جاری ہے، موٹر ٹرانسپورٹ ونگ میں 05 ہیڈ کانسٹیبلز کو اے ایس آئیز کے عہدے پر پروموٹ کر دیا گیا ۔
ترقی پانے والوں میں مرزا خان ، افتخار حسین ، عالمگیر ، عباس رضا اور خالد محمود شامل ہیں۔ ایس ایس پی ایم ٹی پنجاب، ندا عمر چٹھہ اور ڈی ایس پی خالد سعید نے پروموشن بیجز لگائے ۔ ایس ایس پی ایم ٹی ندا عمر چٹھہ نے سب انسپکٹر منظور احمد اور ناصر علی کو ریٹائرمنٹ پر اعزازی شیلڈز سے بھی نوازا ۔
تقریب میں ترقی پانے والے اور ریٹائرڈ ہونے والے افسران و اہلکاروں کے اہلخانہ نے بھی شرکت کی ۔