(ما نیٹرنگ ڈیسک)بیٹنگ کوچ یونس خان نے چند دن پہلے اچانک اپنے عہدے سے استعفیٰ دیا جس کے بعد یہ با ت سامنے آئی کہ دورہ جنوبی افریقہ میں یونس خان کا مبینہ طور پر حسن علی سے جھگڑا ہوا ۔
تفصیلا ت کے مطابق انہوں نے دورہ انگلینڈ کے دوران بائیو ببل میں چند دن تاخیر سے شمولیت کا اصرار کیا تھا جس پر معاملہ بگڑ گیا۔اس معاملے پر ایک سپورٹس صحافی نے دعویٰ کیا کہ یونس خان نے حسن علی کو آئس باتھ لینے پر اصرار کیا جس پر معاملہ بگڑا ،اس کے بعد کوچنگ سٹاف اور دیگر کھلاڑیوں نے مداخلت کر کے دونوں کو ایک دوسرے سے دور کیا۔
بعدازاں حسن علی نے جب یونس خان سے معافی مانگنا چاہی تو یونس خان نے صاف انکار کرتے ہوئے خود کو کمرے میں بند کرلیا۔