کامران منہاس : کراچی کے علاقے کورنگی سے لڑکی کی تشدد شدہ لاش ملنے کا واقعہ، پولیس نے ملزم کو گرفتار کرلیا ۔
ایس ایس پی کورنگی توحید رحمان کے مطابق مقتولہ کی شناخت 15 سالہ شہزادی ولد اللہ بچایو کے نام سے ہوئی، قتل کا واقعہ باغ کورنگی مارفانی گوٹھ میں پیش آیا۔ مقتولہ شہزادی ولد اللہ بچایو کو کلہاڑی کے وار سے قتل کیا گیا، مقتولہ کو غیرت کے نام پر قتل کیا گیا ہے۔
عوامی کالونی پولیس نے بروقت کارروائی کرکے ملزم کو گرفتار کرلیا، گرفتار ملزم سے آلہ قتل بھی برآمد کرلیا گیا۔
واضح رہے کہ مقتولہ نے ایک سال قبل جامشورو کے علاقے میں پسند کی شادی کی تھی، ملزم مقتولہ کو واپس کراچی لےکر آیا اور کلہاڑی کو وار سے قتل کردیا ۔ گرفتار ملزم محمد شریف ولد رحیم رشتے میں مقتولہ کا نانا لگتا ہے ۔
توحید رحمان میمن کا کہنا ہے کہ گرفتار ملزم کو قانونی کارروائی کے لیئے عوامی کالونی تھانے منتقل کیا جارہا ہے ۔