ویب ڈیسک: کولمبو ٹیسٹ میں سری لنکا کیخلاف شاندار کامیابی کے بعدپاکستانی ٹیم سری لنکا میں سب سے زیادہ ٹیسٹ سیریز جیتنے والی ٹیم بھی بن گئی۔
تفصیلات کے مطابق کولمبو میں کھیلے گئے دوسرے ٹیسٹ میں پاکستان نے سری لنکا کو اننگز اور 222 رنز سے شکست دے کر سیریز 0-2 سےجیت لی۔
گال میں کھیلے گئے پہلے ٹیسٹ میں پاکستان نے میزبان ٹیم کو 4 وکٹوں سے شکست دی تھی، کولمبو ٹیسٹ میں فتح کے ساتھ پاکستان نے سری لنکا میں پانچویں ٹیسٹ سیریز جیت کر ریکارڈ بک میں اپنا نام درج کرلیا ہے۔
اس سے قبل سری لنکا میں آسٹریلیا، انگلینڈ 4،4 جبکہ بھارت نے 3 اور جنوبی افریقہ نے 2 مرتبہ سیریز اپنے نام کی تھی۔