(مانیٹرنگ ڈیسک) ق لیگی رہنما مونس الہٰی اور وزیراعلٰی پنجاب پرویز الہی کے بیٹے مونس الٰہی کا کہنا ہے کہ اللہ کے فضل سے ایک مشن پورا ہو گیا، اب دوسرے مشن کے لیے تن من دھن کی بازی لگائیں گے۔
مونس الٰہی نے اپنے ٹوئٹر اکاؤنٹ پر پرویز الٰہی کی حلف برداری کے ساتھ سابق وزیراعظم عمران خان کی تصویر بھی شئیر کی، جہاں وہ 2018 میں وزیراعظم کا حلف لے رہے ہیں۔ مونس الٰہی نے اس تصویر کے ساتھ لکھا کہ اب عمران خان کو بطور وزیراعظم واپس کرسی پر لے کر آئیں گے۔
واضح رہے کہ مونس الٰہی، عمران خان کے بڑے اتحادی کے طور پر سامنے آئے ہیں اور وہ ق لیگی رہنما کے طور پر عمران خان کے ہر مشکل وقت میں ساتھ کھڑے نظر آئے ہیں۔