(سٹی42)بالی ووڈ انڈسٹری کا ایک ایسا نام جو کسی تعریف کا محتاج نہیں، بالی ووڈ کے سلطان سلمان خان کے مداح دنیا بھر میں موجود ہیں، ان کی نئی تصویریں سامنے آنے ان کو خوب لائیکس کیا جارہا اور کمنٹس کا سلسلہ بھی جاری ہے۔
تفصیلات کے مطابق بالی ووڈ انڈسٹری میں اپنے کام اور اداکاری کی بدولت فلموں میں کمال اداکاری کے جوہر دکھانے والے سلطان سلمان خان کی نئی تصویریں وائرل ہوئیں، جن کو خوب پسند کیا جارہا ہے،اس باران کی سامنے آنے والی تصویریں کسی خاص پروگرام یا دوستوں کے ساتھ دعوت پر نہیں لیں گئیں بلکہ اپنے بھائی سہیل خان کے بچوں کے ساتھ کھیلتے ہوئے شیئر کی ۔
کورونا کی وجہ سے آج کل وہ زیادہ وقت فیملی کے ساتھ گزار رہے ہیں،گزشتہ دنوں سلمان خان کی مٹی میں لت پت ہوئے تصاویر سامنے آئیں تو مداح بھی حیران ہوگئے کہ ان کی ایسی حالت کیسے ہوگئی،شیئر کی گئی تصویر میں ان کو اپنے فارم ہاؤس میں کھیتی کرتے ہوئے دیکھا گیا تھا۔علاوہ ازیں انہوں نے دیگر لوگوں کے ساتھ مل کردھان کی فصل بھی بوئی جس کی ویڈیو بھی شیئر کی گئی۔
سلمان کی جانب سے شیئر کی گئی اُن کی ہر ویڈیو اور تصویر پر مداح اُن کے صدقے واری جا رہے ہوتے ہیں۔ بچوں سے بے حد لگاؤ رکھنے والے سلمان خان تا حال خود تو کنوارے ہیں مگر اپنے بہن بھائیوں کو بچوں کے ساتھ کھیلتے ہوئے اپنی تصاویر اور ویڈیوز سوشل میڈیا پر شیئر کرتے رہتے ہیں ۔اپنے چھوٹے بھائی سہیل خان کے بچوں کے ساتھ اپنے انسٹا گرام اکاؤنٹ پر تصویر شیئر کی ہے جس میں انہوں نے بچوں اٹھایا ہوا ہے اور اُن کی جانب شفقت سے دیکھ رہے ہیں ۔ سلمان خان نے تصویر میں نشاندہی کرتے ہوئے لکھا کہ ’بھائی بہن،‘ اور ساتھ میں سہیل خان کے بڑے بیٹے کو بھی ٹیگ کیا ہے۔