سٹی 42 : لاہور سمیت ملک بھر میں شب معراج آج مذہبی عقیدت و احترام سے منائی جارہی ہے۔

شہر بھر کی مساجد کو برقی قمقموں کے ساتھ خوبصورتی سے سجا دیا گیا ہے، جہاں خصوصی محافل اور عبادات کا اہتمام بھی کیا گیا ہے ۔ 

زمین سے عرش تک نور کی برسات،مساجد میں درود سلام کی صدائیں گونج رہی ہیں ۔ شب معراج پرخصوصی محافل ،عبادت اور محفل نعت و میلاد کا بھی اہتمام کیا گیا ہے۔

خواتین کی جانب سے شب معراج پر گھروں میں خصوصی محافل کا انعقاد کیا گیا ہے ۔

شب معراج پرداتا دربار میں خصوصی محفل میلاد کا انعقاد کیا گیا ۔ نعت خواں حضرات نے بارگاہ رسالتؐ میں گلہائے عقیدت پیش کئے، نعت خواں رفیق ضیا،فیصل نقشبندی،حسن عطاری نے عقیدت کے پھول نچھاورکئے۔ اس کے علاوہ حسن ہجویری،وسیم شفیق،انس سہروردی،انس ہمدانی نے بھی ہدیہ نعت پیش کیا ۔ 

محفل میلاد میں خطیب داتا دربار رمضان سیالوی اختتامی دعا کروائیں گے ۔ 

گریفن گراؤنڈ میں دعوت اسلامی کی جانب سےمحفل میلاد کا انعقاد کیا گیا ، محفل میلاد میں نعت خواں نے بارگاہ رسالتؐ میں گلہائے عقیدت پیش کئے۔
مبلغ دعوت اسلامی ڈسٹرکٹ نگران حاجی عبدالرشید خطاب کریں گے۔