سٹی 42 : محکمہ مو سمیات نے کہا ہے کہ ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہنے کا امکان ہے۔

منگل کے روز موسم کی صورتحال کے متعلق محکمہ  موسمیات کا کہنا ہے کہ اسلام آباد اور گردونواح میں موسم سرد اور خشک رہنے کا امکان ہے، جبکہ رات کے اوقات میں مطلع ابر آلود رہنے کے علا وہ تیز ہواوں کے ساتھ بو ندا باندی کا امکان ہے۔ خیبر پختونخوا کے بیشتر اضلاع میں موسم سرد اور خشک جبکہ بالائی اضلاع میں شدید سرد رہنے کے علا وہ دیر، چترال، کو ہستان، ما نسہرہ، بٹگرام، شا نگلہ، بو نیر، سوات، کالام، مر دان، کو ہاٹ اور کرم میں تیز ہواوں کے ساتھ بارش اور پہا ڑو ں پر برفباری کا امکان ہے۔ 

محکمہ موسمیات کےمطابق پنجاب کے بیشتر اضلاع میں موسم سرد اور خشک جبکہ راولپنڈی، اٹک ،جہلم،چکوال میں ر ات کے اوقات میں مطلع ابر آلود رہنے کے علا وہ تیز ہواوں کے ساتھ بو ندا با ندی کا امکان ہے، جبکہ مری، گلیات اور گردونواح میں ر ات کے اوقات میں مطلع ابر آلود رہنے کے علاوہ ہلکی بارش/بر فبا ری ہو سکتی ہے۔ اس کے علاوہ سیالکوٹ،نارووال، گوجرانوالہ اور گردونواح میں صبح کے اوقات میں ہلکی دھند ہوسکتی ہے ۔        

محکمہ موسمیات کا کہنا ہے کہ بلوچستان کے بیشتر اضلاع میں موسم سرد اور خشک جبکہ شمالی اضلاع میں شدید سرد رہنے کا امکان ہے، تاہم شام/رات کے اوقات میں کو ئٹہ، قلعہ عبد ا للہ ، قلعہ سیف اللہ، زیارت، پشین اور ژوب میں مطلع ابر آلود رہنے کے علا وہ تیز ہواوں کے ساتھ ہلکی بارش/برفباری ہو سکتی ہے۔ سندھ کے بیشتر اضلاع میں موسم سرد اورخشک رہنے کا امکان ہے۔ اس کے علاوہ کشمیر اور گلگت بلتستان میں شام/ رات کے اوقات میں مطلع ابر آلود رہنے کے ساتھ ہلکی بارش/برفباری کا امکان ہے ۔