ویب ڈیسک: بھارتی اداکار ’’نانا پاٹیکر ‘‘کو وویک اگنی ہوتری کی ہدایت کاری میں بننے والی فلم ’’دی ویکسین وار ‘‘میں شامل کر لیا گیا ہے۔
تفصیلات کے مطابق بھارتی فلمساز وویک اگنی ہوتری نے تصاویر اور ویڈیوز شیئر کرنے والی ایپ پر نانا پاٹیکر کے ساتھ تصویر شیئر کی اور لکھا کہ نانا پاٹیکر نے اپنے آپ کو ’’دی ویکسین وار‘‘ کے سکرپٹ کے حوالے کر دیا ہے ۔
View this post on Instagram
فلمساز نے مزید لکھا کہ انہیں خوشی ہے کہ ان کی فلم کیساتھ بھارتی فلم انڈسٹری کے سب سے جاندار ایکٹر نانا پاٹیکر جڑے ہیں اور ہم ان کے ساتھ کام کرنے کیلئے پر عز م ہیں ، وویک اگنی ہوتری کا مزید کہنا تھا کہ
’’ویکسین وار ‘‘کے مرکزی کردار کیلئے ہمیں طاقتور، قابل اعتماد کردار کو ڈھونڈ رہے تھے اور ہم کسی ایسے شخص کو کاسٹ کرنے کے بارے میں سوچ رہے تھے جس کی کارکردگی پر کوئی شک نہیں تو ہم نے صرف نانا پاٹیکر کے بارے میں سوچا تھا، وہ اداکاروں کی ان نایاب نسل میں سے ایک ہیں جو کسی بھی کردار میں چمکتے ہیں اور جنہوں نے اپنے فن کے ساتھ کبھی سمجھوتہ نہیں کیا۔