راؤ دلشاد :وزیر اطلاعات پنجاب عظمی بخاری نے پی ایف یو جے کے نومنتخب عہدیداروں کو مبارکباد دی۔
تفصیلات کے مطابق عظمیٰ بخاری نے صدر افضل بٹ اور سیکرٹری جنرل ارشد انصاری کو مبارکباد دی۔
عظمیٰ بخاری نے کہا کہ پی ایف یو جے کا آزادی صحافت اور صحافیوں کے جدوجہد میں مرکزی رول ہے،پنجاب حکومت آزادی صحافت اور صحافیوں کے حقوق کے تحفظ کے لیے کوشاں ہیں۔
عظمیٰ بخاری نے مزید کہا کہ و زیراعلی پنجاب مریم نواز کی قیادت میں صحافی برادری کے لیے تاریخی اقدامات کیے جارہے ہیں،پنجاب کے پریس کلبوں کو پہلی مرتبہ تاریخی گرانٹ جاری کی گئی،مریم نواز کا ویژن ہے ہر صحافی کے پاس اپنا گھر ہو،اسی ویژن کے تحت صحافیوں کو پلاٹس کی فراہمی پر تیزی سے کام ہورہا ہے۔