ویب ڈیسک: پاکستانی اداکارہ نعیمہ بٹ کا ہوسٹن میں ایک تقریب کا حصہ بننے کیلئے پہنا گیا لباس انہیں تنقید کی زد میں لےآیا، سوشل میڈیا صارفین بولڈ لباس میں اداکارہ کی سامنے آنے والی ویڈیو پر کڑی تنقید کررہے ہیں۔
اداکارہ نعیمہ بٹ نے اپنے کیرئیر میں کئی معاون کردار ادا کیے لیکن ڈراما سیریل ’کبھی میں کبھی تم’ میں رباب کا کردار انکے کیرئیر کا ٹرننگ پوانٹ ثابت ہواکیونکہ نعیمہ بٹ جنکو چند ماہ قبل زیادہ تر لوگ نہیں جانتے تھے رُباب کے کردار کو اس قدر مہارت، حقیقت پسندی اور دل سے ادا کرتی دکھیں کہ منفی کردار نبھانے کے باوجود وہ سب کی آنکھوں کا تارا بن گئیں۔
اداکارہ ان دنوں ساتھی اداکار ہانیہ عامر اور فہد مصطفیٰ کیساتھ امریکی ریاستوں میں میٹ اینڈ گریٹ میں مصروف ہیں جسکی جھلکیاں اور ویڈیوکلپس سوشل میڈیا پر توجہ کا مرکز بنی ہوئی ہیں۔
اس تقریب کا حصہ بننے سے قبل نعیمہ بٹ نے فوٹو اینڈ ویڈیو شیئرنگ ایپ انسٹاگرام پر پوسٹ شیئر کی، ویڈیو کے بیگ گراونڈ میں ہنی سنگھ کا مشہور گانا ’ براؤن رنگ ‘ چل رہا ہے۔
ویڈیو میں اداکارہ کو سنہرے چمکتےگاؤن میں دیکھا جاسکتا ہے جو منفرد اسٹائل کے ساتھ بولڈ لباس بھی ہے، اداکارہ مختلف پوز بنا کر فوٹوشوٹ کرا رہی ہے، اداکارہ کی ویڈیو وائرل ہوتے ہیں سوشل میڈیا صارفین کا پارہ ہائی ہوگیا اور کمنٹ سیکشن میں اداکارہ کو انکے بولڈ لباس پر خاص تنقید کا نشانہ بنایا۔
کسی نے نعیمہ بٹ کےمذہب پر تنقید کی تو کسی نے غصے کا اظہار اس نعرے کیساتھ کیا کہ اب وقت آگیا ہے نعیمہ بٹ کو انفالو کرنے کا۔