سٹی42:  امریکہ نے بلوچستان میں ہونے والے حملوں کی شدید مذمت کی ہے۔

اسلام آباد میں  امریکی سفارتخانہ کے ترجمان جوناتھن لالئی نے منگل کے روز امریکی حکومت کی جانب سے  بلوچستان میں ہونے  والے دہشتگرد حملوں کا نشانہ بننے والوں کے خاندانوں سے اظہار ِ تعزیت کرتے ہوئے کہا کہ ہمارے دل گزشتہ روز کے ان حملوں میں جاں بحق ہونے والوں کے خاندانوں اور پیاروں کے لیے غمزدہ ہیں.

امریکی سفارتخانہ کے ترجمان جوناتھن لالئی نے کہا کہ امریکہ گزشتہ روز بلوچستان میں ہونے والے حملوں کی شدید مذمت کرتا ہے۔  ان حملوں میں سیکورٹی اہلکاروں اور عام شہریوں کو نشانہ بنایا گیا۔  موسٰی خیل میں  23معصوم شہریوں کو قتل کر دیا گیا۔ 

سفارتخانیہ کے ترجمان نے کہا کہ  امریکہ دہشت گردی کے خلاف جنگ میں پاکستان کے ساتھ شانہ بشانہ کھڑا رہے گا۔