سٹی 42: لاہور کے علاقے کاہنہ میں شوہر نے رخصتی نہ ہونے پر بیوی کو اغواء کرا لیا۔
پولیس کے مطابق عمر نامی لڑکے کا چند ماہ پہلے نکاح ہوا، لیکن رخصتی نہ ہوئی اور رخصتی سے قبل ہی لڑکی نے عدالت میں خلع دائر کر دیا۔عمر کے بھائی نے دو ساتھیوں کے ہمراہ بھابھی کو گن پوائنٹ پر اغواء کیا اور فرار ہو گئے ۔
پولیس کے مطابق مغویہ مقامی یونیورسٹی میں بی ایس آنرز کی طالبہ ہے، واقعہ کا مقدمہ تین افراد کے خلاف درج کرکے ملزمان کی تلاش شروع کردی گئی ہے۔
دوسری جانب لاہور کے علاقے گلشن اقبال میں 47 سالہ خاتون کے قتل سے پہلے اور بعد کی سی سی ٹی وی فوٹیجز منظر عام پر آگئی ۔ پولیس ذرائع کے مطابق 47 سالہ بسم اللہ بی بی کو بیٹی فجر نے گھر چھوڑ کر دوست کے ساتھ جانے سے منع کرنے پر قتل کیا گیا ,پہلی سی سی ٹی وی میں ملزم علی عابد اور دوستوں کو گھر میں داخل ہوتے دیکھا جا سکتا ہے ,دوسری فوٹیج میں ملزم علی عابد اور مقتولہ کی بیٹی 21 سالہ فجر کو فرار ہوتے دیکھا جا سکتا ہے.
ملزمان 4 بجے کے قریب رضا بلاک میں مقتولہ کے گھر آئے ۔2ملزم گھر میں چلے گئے جبکہ ایک گھر کے باہر پہرہ دیتا رہا ۔ پولیس ذرائع کا کہنا ہے کہ ملزمان ایک گھنٹے سے زائد گھر میں موجود رہے ۔ ملزم علی عابد اور مقتولہ کی بیٹی فجر کو موٹرسائیکل پر فرار ہوتے بھی دیکھا جا سکتا ہے, ملزم قتل کے بعد گھبراہٹ میں موٹرسائیکل سے بھی گر پڑا.