فیروز پور روڈ (سٹی42) پاکستان کے لیے سب سے زیادہ گنیز ورلڈ ریکارڈ بنانے والے راشد نسیم نے مارشل آرٹس کیٹیگری میں مزید دو ریکارڈ اپنے نام کر لیے۔
مارشل آرٹ ماسٹر راشد نسیم نے نن چکو کیٹیگری میں چائنیز کنگفو ماسٹر کو ایک مرتبہ پھر شکست دے دی جبکہ بھارتی مارشل آرٹ ماسٹر کے سر کے ساتھ بوتل کھولنے کے ریکارڈ کو بھی توڑ ڈالا، راشد نسیم اب تک نن چکو کی مختلف کیٹیگری میں دنیا میں سب سے زیادہ ریکارڈ بنانے کا اعزاز اپنے پاس رکھتے ہیں،نن چکو میں ان کا یہ 9 واں گنیز ورلڈ ریکارڈ ہے۔
گنیز ورلڈ ریکارڈ نے ایمیل کے زریعے تصدیق کرتے ہوئے تفصیلات اپنی ویب سائٹ پر بھی جاری کر دیں، دنیا میں سب سے زیادہ مارشل آرٹس عالمی ریکارڈ بنانے والے راشد نسیم نے پاکستان کے مشہور کوہ پیما محمد علی سدپارہ کو خراج عقیدت پیش کرنے کے لیے بنایا تھا جو چین کے کنگفو ماسٹر زی ڈیشنگ کے پاس تھا جنھوں نے ایک منٹ میں بوتل کے درمیان میں رکھے 19 تاش کے پتوں کو نن چکوکی مدد سے بوتل کو گرائے بغیر نکالا تھا، تاہم راشد نسیم نے بہترین کاکردگی کا مظاہرہ کرتے ہوئے 22 مرتبہ یہ کارنامہ انجام دیا۔
دوسرے ریکارڈ میں راشد نسیم نے سر کے ساتھ ایک منٹ میں 71 بوتل کھول ڈالیں، اس سے پہلے یہ ریکارڈ انڈیا کے پرابھاکر ریڈی کے پاس تھا جنھوں نے ایک منٹ میں سر سے 68 بوتلیں کھولیں تھی۔
اس موقع پر ماشل آرٹس ماسٹر راشد نسیم کا کہنا تھا کہ اپنے 100 ریکارڈ مکمل کرنا چاہتا ہوں، یہاں یہ بات بھی قابل ذکر ہے کہ راشد نسیم کو اب تک حکومتی سرپرستی حاصل نہیں جبکہ انہوں نے تمام ریکارڈز اپنی مدد آپ کے تحت بنائے ہیں۔