عابد چودھری : گوالمنڈی پولیس نے منشیات فروشوں کے خلاف کارروائی کرتے ہوئے شراب کی ترسیل ناکام بنا دی۔
پولیس کے مطابق گوالمنڈی میں نیلے ڈرموں میں کیمیکل کی آڑ میں شراب لے کر جانے والے ملزم کو پولیس نے دھر لیا ۔ پولیس کی جانب سے ڈرموں کی تلاشی لی گئی، دوران تلاشی ڈرموں میں لاکھوں مالیت کی 116 لیٹر شراب برآمد ہوئی ۔
پولیس کا کہنا ہے کہ گرفتار ملزم پطرس مسیح کے خلاف مقدمہ درج کردیا گیا ہے، ملزم سے مزید تفتیش جاری ہے ۔