دْرِنایاب : سی بی ڈی کے وفد کا لاہور گلوبل ولیج کا دورہ , جینسس پراپرٹیز کے عہدیداران سے ملاقات، کمرشل سرگرمیوں پر پیشرفت کا جائزہ لیا گیا۔
سی بی ڈی پنجاب کے وفد میں ڈپٹی ڈائریکٹر اربن پلاننگ ثقلین اکبر اور اسسٹنٹ ڈائریکٹر ریٹیل سیلز سمیت تکنیکی ڈائریکٹوریٹ کے افسران شامل تھے ۔ جینسس پراپرٹیز کے چیئرمین حبیب نواز اور سی ای او راحیل نے لاہور گلوبل ولیج پر پیشرفت بارے آگاہ کیا ۔ لاہور گلوبل ولیج میں کمرشل سرگرمیاں رواں سال اکتوبر کے آخر میں شروع کر دی جائیں گی۔ نامی گرامی برانڈز کو لاہور گلوبل ولیج میں شامل کر دیا گیا ہے۔ وفد نے لاہور گلوبل ویلیج میں جاری تزئین و آرائش کےکاموں کا جائزہ لیا۔ سی بی ڈی پنجاب کے وفد کا کہنا تھا کہ وزیر اعلیٰ مریم نواز کی ہدایت کے مطابق اس منصوبے کو فعال کرنے کی سرتوڑ کوشش کر رہے ہیں ۔یہ منصوبہ لاہور کی نئی پہچان بنےگا۔