(کومل اسلم)وزیر اعلیٰ مریم نواز شریف نے 5 نئی ہائی برڈ ڈبل ڈیکر بسوں کاباضابطہ افتتاح کر دیا۔

لاہور میں ڈبل ڈیکر کی نئی ائیر کنڈیشنڈ بسیں چلنے کیلئے تیار ہیں، سیاحت کےلئے نئے روٹس پر5 نئی ہائبرڈ ڈبل ڈیکر بسیں چلائی جائیگی،وزیر اعلیٰ مریم نواز شریف نے ہائی برڈ ڈبل ڈیکر بس میں سفر کے دوران  بس  کا معائنہ کیا۔
 اس موقع پر وزیر اعلیٰ مریم نواز شریف کو ہائیبرڈ ڈبل ڈیکر بس سے متعلق بریفنگ دی گئی ،سینئر صوبائی وزیر مریم اورنگزیب نے بھی بس کی افتتاحی تقریب میں شرکت کی۔
نئی ڈبل ڈیکر بس کیلئے ڈی ایچ اے فیز 6 ،سی بی ڈی ، سفاری میں بھی ٹرمینل بنائے جائیں گے۔شادی لال بلڈنگ ،چوبرجی ، پونچھ ہاؤس کا نیا روٹ متعارف کروایا جائے گا۔