سٹی42: شاباش پاکستان کرکٹ ٹیم، چئیرمین پی سی بی محسن نقوی کی انگلینڈ کیخلاف ٹیسٹ سیریز جیتنے پر قومی ٹیم کو مبارکباد، وزیراعلیٰ پنجاب مریم نواز نے بھی قومی کرکٹ ٹیم کو مبارکباد دی ہے۔
تفصیلات کےمطابق چیئرمین پی سی بی محسن نقوی نے کہا قومی کھلاڑیوں نے بہترین کھیل پیش کرکے فتح اپنے نام کی،ساجد خان اور نعمان علی نے شاندار باولنگ کرکے صلاحیتوں کو ثابت کیا، سعود شکیل نے سنچری سکور کرکے عمدہ بلے بازی کا مظاہرہ کیا۔
ٹیم نے شاندار پرفارمنس دکھائی اور ٹیسٹ سیریز اپنے نام کی، انگلینڈ کیخلاف جیت سے کھلاڑیوں کا مورال بلند ہوگا،قوم سمیت کھلاڑیوں کو شاندار فتح کا انتظار تھا، نئے کھلاڑیوں نے کارکردگی سے ٹیم میں اپنی شمولیت کو درست ثابت کیا۔
وزیراعلیٰ پنجاب مریم نواز نے انگلینڈ کے خلاف ٹیسٹ سیریز میں تاریخی فتح پر مبارک باد دی، کہا کہ ساجد خان، نعمان علی سمیت دیگر نے شاندار بولنگ کا مظاہرہ کیا،سعود شکیل نے ذمہ دارانہ بیٹنگ کی، شاباش!
مریم نواز شریف کا کہنا تھا کہ پاک انگلینڈ سیریز میں بہترین بہترین ٹیم ورک دیکھنے کو ملا ،پوری قوم پاکستان کرکٹ ٹیم کی تاریخی فتح پر خوش ہے۔