کومل اسلم:شہر کی فضا بدستور آلودہ،ایئر کوالٹی انڈیکس کی شرح 204ریکارڈ، لاہور دنیا کے آلودہ ترین شہروں کی فہرست میں تیسرے نمبر پر آ گیا،فضائی آلودگی کے باعث آنکھوں کی بیماریاں پھیلنے کا خدشہ پیدا ہوگیا۔
محکمہ موسمیات کےمطابق لاہور شہر کے موسم میں تبدیلی ،صبح کے ا وقات میں ہلکی ٹھنڈ محسوس کی جانے لگی،ماہرین کا کہنا تھا کہ رواں سیزن کے دوران شہر میں موسم سرما کادورانیہ انتہائی کم ہو گا، جبکہ فضائی آلودگی کے باعث آنکھوں کی بیماریاں پھیلنے کا خدشہ ظاہر کیا۔
سید مراتب علی روڈ 235،امریکی قونصلیٹ میں شرح 209ریکارڈ،جوہر ٹاؤن میں فضائی آلودگی کی شرح 204ریکارڈ کی گئی،شہر کا مطلع جزوی طور پر ابر آلود ،موجودہ درجہ حرارت 27ڈگری ریکارڈ کیا گیا۔
محکمہ موسمیات کےمطابق لاہور میں آئندہ 24گھنٹوں کے دوران بارش کا کوئی امکان موجود نہیں،تاہم ملک کے دیگر اضلاع میں گرج چمک کے ساتھ بارش کی پیش گوئی کی گئی ہے۔