(ویب ڈیسک) پاکستان انٹرنیشنل ایئرلائنز (پی آئی اے) کے مالی بحران کے معاملے پر وزارت خزانہ، کمرشل بینکس اور پی آئی اے حکام میں مذاکرات میں اہم پیشرفت ہوئی ہے۔
ذرائع کا کہنا ہے کہ حکومتی ضمانت پر پی آئی اے کو بینکوں سے 7.5 ارب روپے ملنے کی امید ہے، 3 بینکوں سے حکومتی قرضے پر آئندہ دو سے تین روز میں حتمی فیصلہ متوقع ہے۔
قرضہ ملنے کی صورت میں ملازمین کو وقت پر تنخواہوں کی ادائیگی ممکن ہو سکے گی جبکہ قرض ملنے کے بعد ایندھن کی ادائیگیوں کے توازن میں بھی بہتری آئے گی۔
واضح رہے کہ آج بھی 49 پروازیں منسوخ، 10 روز میں پی آئی اے کی منسوخ پروازوں کی تعداد 479 ہو گئی۔
ذرائع نے بتایا کہ انٹرنیشنل فلائٹس اور زیادہ ریونیو سیکٹر پر پروازوں کی تعداد بڑھائی جائے گی،قرض کے حصول سے مالی مشکلات دور کرنے میں مدد وملے گی۔
ایندھن کی کمی سے اندرون اور بیرون ملک کی آج 49 پروازیں منسوخ ہوئیں، 10 روز میں پی آئی اے کی منسوخ پروازوں کی تعداد 479 ہو چکی ہیں۔