(ویب ڈیسک)کیویز کپتان میچ سے پہلے ہی ہمت ہار گئے، کین ولیم سن نے پاکستان کو فیورٹ قرار دیدیا، بولے بھارت کے خلاف پاکستان نے شاندار کارکردگی دکھائی ، پاکستان کا دورہ حکومتی احکامات پر منسوخ کیا ، میچ میں بدلہ لینے جیسی کوئی بات نہیں ہے۔
تفصیلات کےمطابق ٹی 20 ورلڈ کپ 2021 کےسنسنی خیزمقابلے جاری ہیں، شاہین آج کیویز سے ٹکرائیں گے، اس حوالے سےنیوزی لینڈ کرکٹ ٹیم کے کپتان کین ولیم سن نے پاکستان کو ورلڈ کپ میں فیورٹ قرار دے دیا۔
شارجہ میں ورچوئل پریس کانفرنس کرتے ہوئے نیوزی لینڈ کرکٹ ٹیم کے کپتان کین ولیم سن کا کہنا تھا کہ پاکستان کا دورہ حکومت کی ہدایت پر ختم ہوا تھا، پاکستان اور نیوزی لینڈ بورڈز کے تعلقات اچھے ہیں۔
انہوں نے کہا کہ پاکستان نے بھارت کو متاثر کن انداز میں شکست دی جس کے بعد پاکستان ٹیم ٹورنامنٹ کی فیورٹ بن گئی ہے۔
کین ولیم سن کا کہنا تھا کہ پاکستان کو اپنی بولنگ کا ایڈوانٹج حاصل ہے جبکہ پاکستانی بولرز نے بھارت کی بیٹنگ لائن کو زیادہ اسکور نہیں کرنے دیا جو دیگر ٹیموں کے لیے خطرے کی گھنٹی ہے۔