انشاءاللہ آج بھی ہم کامیابی سمیٹ لیں گے، صبا قمر

ویب ڈیسک :  اداکارہ صبا قمر کا ماننا ہے کہ ٹی20 ورلڈکپ میں پاکستان کو آج نیوزی لینڈ سے میچ میں ہر حال میں کامیابی سمیٹنی چاہیے۔

اداکارہ صبا قمر کا ماننا ہے کہ ٹی20 ورلڈکپ میں پاکستان کو آج نیوزی لینڈ سے میچ میں ہر حال میں کامیابی سمیٹنی چاہیے۔ خیال رہے کہ رواں برس ستمبر میں نیوزی لینڈ کی ٹیم پاکستان سے اچانک سیریز منسوخ کر کے وطن واپس لوٹ گئی تھی۔ اب آج  نیوزی لینڈ کی ٹیم کا ٹی ٹوئنٹی ورلڈکپ میں پاکستان سے شام 7 بجے  ٹاکرا ہوگا۔

 میچ سے کئی گھنٹے قبل ہی صبا قمر نے قومی ٹیم کیلئے نیک خواہشات کا اظہار کرتے ہوئے کہا کہ آج میچ کا دن ہے ، انشاءاللہ آج بھی ہم کامیابی سمیٹ لیں گے۔ خیال رہے کہ ٹی ٹوئنٹی ورلڈ کپ میں قومی ٹیم آج اپنے دوسرے میچ میں نیوزی لینڈ کے خلاف مد مقابل ہوگی، بابر الیون یہ میچ بھی جیتنے کے لئے پرامید ہے۔