(سٹی42) ایڈونچر اور رائیڈنگ کے شوقین افراد کیلئے بڑی خوشخبری، محکمہ سیاحت نے تھل جیپ ریلی کی تاریخوں کا اعلان کردیا۔

تفصیلات کے مطابق محکمہ سیاحت نے تھل جیپ ریلی کی تاریخوں کا اعلان کردیا، ایڈونچر اور رائیڈنگ کے شوقین حضرات جیپ ریلی میں شرکت کیلئے رجسٹریشن 10 نومبر تک کرواسکیں گے، جبکہ جیپ ریلی کا انعقاد 16 سے 18 نومبر کو کیا جائے گا۔

ریلی کا روٹ 180 کلو میٹر ہو گا۔ریلی مظفر گڑھ محمد والا سے شروع ہو کر دوبارہ محمد والا میں ختم ہو گی۔چوبارہ ضلع لیہ مڈ پوائنٹ ہوگا۔اس سال تھل ریلی میں تین کیٹگریزی رکھی گئی ہیں جن میں دو میل اور ایک فی میل کیٹگری ہے۔