ویب ڈیسک: پاکستانی گلوکارہ نمرہ مہرا نےبھی عمرے کی سعادت حاصل کرلی۔
حال ہی میں انہوں نے فوٹو اینڈویڈیو شیئرنگ ایپ انسٹاگرام پر پوسٹ شیئر کی جس میں انہیں اپنے بھائی محمد زاہد کیساتھ خانہ کعبہ کے سامنے پوز دیتے دیکھا جاسکتاہے۔ اس خاص موقع پر نمرہ کیمل عبایا میں ملبوس تھیں جبکہ ان کے بھائی حالت احرام میں بہن کیساتھ اس یادگار لمحے کو کیمرے میں قید کر رہے تھے۔
اس مقدس مقام کی جھلک گلوکارہ نے سوشل میڈیا کی زینت بناتے ہوئے کیپشن میں عمرے کی سعادت ملنے پر اللہ کی بارگاہ میں شکریہ ادا کیا۔
دوسری جانب نمرہ مہرا کی خوبصورت ترین جھلکیاں سوشل میڈیا کی زینت بنتے ہی صارفین کی جانب سے انہیں عمرے کی مبارکباد کے پیغامات موصول ہونا شروع ہوگئے۔
واضح رہے کہ نمرہ مہرا نے ابتدائی طور پر پاکستانی شوز میں اپنی لائیو گلوکاری کی پرفارمنس کے ذریعے شہرت حاصل کی اور موسیقی کی متوالوں کی پسند بنتی چلی گئیں۔ انہیں سوشل میڈیا پر بھی لوگوں کی بڑی تعداد کی جانب سے فالو بھی کیا جاتا ہے۔ نمرہ مہرا کا بھارتی گلوکارہ نیہا ککڑ سے بھی موازنہ کیا جاتا ہے اور کہا جاتا ہے کہ نمرہ مہرا نیہا ککڑ کا پاکستانی ورژن ہیں۔