نورجہاں کے پوتے ہسپانوی لڑکی کیساتھ شادی کے بندھن میں بندھ گئے

26 Nov, 2024 | 12:01 PM

ویب ڈیسک:  پاکستانی لیجنڈ گلوکارہ ملکہ ترنم نورجہاں کے پوتے اور لالی ووڈ کے ابھرتے ہوئے فلم  سٹار سکندر رضوی رشتۂ ازدواج میں منسلک ہو گئے۔

فوٹو اینڈ ویڈیو شیئرنگ پلیٹ فارم انسٹا گرام پر اداکار کی شادی کی تصاویر و ویڈیوز وائرل  ہورہی ہیں جس میں وہ  ایرین نامی ہسپانوی لڑکی کے ساتھ شادی کے بندھن میں بندھتے ہوئے نظر آ رہے ہیں۔

   وائرل تصاویر و ویڈیوز میں اداکار سفید شلوار قمیض اور ہلکی گلابی دستار پہنے نظر آئے  جبکہ ان کی ہسپانوی دُلہنیا نے ہلکے نارنجی رنگ کے لہنگے کا انتخاب کیا ہے۔

خیال رہے کہ سکندر رضوی نے 2015ء میں ریلیز ہونے والی فلم ’دیکھ مگر پیار سے‘ سے  اداکاری کے میدان میں ڈیبیو کیا۔ اس کے بعد وہ 2017ء میں ریلیز ہونے والی فلم ’یلغار‘ میں سپورٹنگ کردار میں بھی دکھائی دئیے۔اداکار کا شمار شوبز کی دنیا کے ایک باصلاحیت خاندان سے ہے جبکہ وہ شوبز کی دنیا کے ساتھ ساتھ کاروباری دنیا میں بھی خاصے معروف ہیں اور کراچی کے مشہور ریسٹورنٹ 'زینڈرز' کے مالک بھی ہیں۔

یاد رہے کہ میڈیم نور جہاں کے علاوہ سکندر رضوی کے دادا شوکت حسین رضوی کا شمار پاکستانی فلم انڈسٹری کے معماروں میں ہوتا ہے جبکہ ان کی بہن سونیا جہاں بھی بالی ووڈ اور ہالی ووڈ میں اپنی اداکاری کے جوہر دکھا چکی ہیں۔

مزیدخبریں