محکمہ موسمیات کی موسم کے حوالے سے اہم پیشگوئی

کومل اسلم:  پنجاب سمیت ملک کے بیشتر علاقوں میں موسم خشک اور سرد رہنے کا امکان  ہےجبکہ چند میدانی علاقوں اور بالائی سندھ میں رات کے اوقات میں سموگ / دُھند چھا ئےرہنے کی توقع ہے۔

محکمہ موسمیات کے مطابق      شہر  لاہور میں سورج کرنیں بکھیرنے لگا،شہر کا موجودہ درجہ حرارت 15 ڈگری سینٹی گریڈ ریکارڈ کیا گیا ہے۔کم سے کم درجہ حرارت 11 جبکہ زیادہ سے زیادہ 25ڈگری تک جانے کا امکان ہے۔

 موسم کا حال بتانے والوں کا کہنا ہے کہ آئندہ روز اسلام آباد اور گردونواح میں موسم خشک اور سرد رہنے کا امکان ہے ، خیبر پختونخوا کے بیشتر اضلاع میں موسم خشک اور سرد رہے گا،پنجاب کے بیشتر اضلاع میں موسم خشک اور سرد رہنے کا امکان ظاہر کیاگیا ہے،صبح اور رات کے اوقات میں سیالکوٹ، نارووال، گوجرانوالہ، لاہور، شیخوپورہ، قصور، اوکاڑہ، حافظ آباد، جھنگ، فیصل آباد، بہاولپور، ملتان، ڈیرہ غازی خان ،ساہیوال، خانیوال، رحیم یار خان اور گردونواح میں سموگ/ دُ ھند چھا ئےرہنے کی توقع ہے ۔

 سندھ کے بیشتر اضلاع میں موسم خشک رہنے کا امکان ہے ، تاہم صبح/رات کے اوقات میں کشمور،سکھر، جیکب آباد، ٹنڈو جام اور گردونواح میں سموگ/ دُ ھند چھا ئےرہنے کی توقع ہے،بلوچستانکے بیشتر اضلاع میں بھی موسم خشک اور سرد رہنے کی توقع ظاہر کی گئی ہے،آج ریکارڈکئے گئے کم سےکم درجہ حرارت: لہہ منفی07 ، گوپس منفی 04، اسکردو، استور منفی 02، ہنزہ اور کالام میں منفی 01 ڈگری سینٹی گریڈ ریکارڈ کیا گیا۔