فاران یامین: ترجمان ٹریفک پولیس کا کہنا ہے کہ شہر کے داخلی و خارجی راستے کھلے ہیں، راوی پل، پرانا راوی پل، سگیاں پل سے ٹریفک شہر میں داخل اور باہر جارہی ہے۔

ترجمان ٹریفک پولیس کے مطابق ٹھوکر نیاز بیگ سے ملتان روڈ ٹریفک آ جا سکتی ہے، رائے ونڈ روڈ، فیروز پور روز، گجومتہ ٹریفک کیلئے کھلے ہیں، لاہور اسلام آباد، لاہور سیالکوٹ موٹروے تاحال ان/ آؤٹ کے لئے بند ہے۔

لاہور رنگ روڈ ٹریفک کے لئےمکمل کھلی ہے ، شہر کے اندر ٹریفک معمول کے مطابق رواں دواں ہے۔

واضح رہے کہ گزشتہ روز راوی پل ،پرانا راوی پل ،سگیاں راوی پل سے ٹریفک معاملات ٹھیک رہے، ٹھوکرنیاز بیگ سے ملتان روڈ ٹریفک روانی بھی ٹھیک تھی، موٹروے ،ایسٹرن بائی پاس ،بابو صابو تاحال ان اور آؤٹ کے لئےبند تھی، لاہوررنگ روڈ تمام انٹرچینجز سے ٹریفک کیلئے مکمل بند تھے،امامیہ پھاٹک سے ٹریفک چل رہی تھی جبکہ فلائی اوور دونوں اطراف سے بند تھی۔