ویب ڈیسک : بالی ووڈ کے نامور ایکٹر عامر خان کے بیٹے جنید خان فلم ’مہاراج‘ سے او ٹی ٹی ڈیبیو کے لیے تیار ہیں۔

 بالی ووڈ کے مسٹر پرفیکشنسٹ عامر خان کے بیٹے جنید خان او ٹی ٹی میں ڈیبیو کرنے کو تیار ہیں، ان کی پہلی فلم ’مہاراج‘ کی ریلیز کی تاریخ بالآخر سامنے آگئی ہے، مداحوں کو جنید خان کے ڈیبیو کا بے صبری سے انتظار تھا، وہ عامر کے لاڈلے کو اسکرین پر دیکھنے کے لیے بے چین ہیں، آخر کار انتظار ختم ہوا، ان کے او ٹی ٹی ڈیبیو کی تاریخ سامنے آ گئی ہے۔

 غور طلب بات یہ ہے کہ فلم ’مہاراج‘ میں شروری، جیدیپ اہلاوت اور شالنی پانڈے نے بھی خصوصی کردار ادا کیے ہیں، دی رومانٹکس اور دی ریلوے مین کے بعد یہ یش راج فلمز کا تیسرا ڈائریکٹ ٹو ڈیجیٹل پروجیکٹ ہوگا، فلم کی شوٹنگ اکتوبر 2023 میں مکمل ہوئی تھی اور اس کے فوراً بعد میکرز نے فلم کو نیٹ فلکس پر ریلیز کرنے کا اعلان کیا تھا۔

 میڈیا رپورٹس کے مطابق مہاراج کو جون 2024 میں ریلیز کرنے کی تمام تیاریاں کر لی گئی ہیں، جنید خان کی فلم ’مہاراج‘ کا پریمیئر 14 جون 2024 کو ہوگا۔