(سٹی نیوز) سندر کے علاقے انڈسٹریل سٹیٹ سے 34 سالہ نامعلوم شخص کی تشدد زدہ لاش برآمد ہوئی ہے۔
پولیس کے مطابق 34 سالہ مقتول کو باندھ کر تشدد کا نشانہ بنانے کے بعد قتل کیا گیا۔لاش کی اطلاع ملنے پر سندر پولیس کی بھاری نفری جائے وقوعہ پہنچی اور شواہد اکٹھے کرنے کے بعد لاش تحویل میں لے کر مردہ خانے منتقل کر دی ۔
پولیس کی ابتدائی تحقیقات کے مطابق مقتول کے گلے میں رسی جبکہ منہ میں کپڑا رکھ کر تشدد کیا گیا۔مقتول کے سر کے پیچھے والے حصے میں آہنی راڈ کے تشدد کے نشانات ہیں۔
ایس پی صدر ڈاکٹر غیور احمد خاں کا کہنا ہے مزید حقائق پوسٹ مارٹم رپورٹ کے بعد سامنے آئیں گے، پولیس جلد ملزمان گرفتار کرکے قتل کی وجوہات سامنے لائے گی۔