ویب ڈیسک: پاکستان مسلم لیگ ن کی سینئر رہنما، نائب صدر و آرگنائزر مریم نواز شریف نے سوشل میڈیا پر اپنے بچپن کی تصویر شیئر کی ہے۔
مریم نواز اکثر اوقات ہی اپنے سوشل میڈیا کا استعمال سیاست سے ہٹ کر مداحوں اور چاہنے والوں کے لیے کرتی ہیں۔ وہ کبھی فالوورز کے اکاؤنٹس پر حسِ مزاح سے بھرپور کمنٹس کرتی تو کبھی اپنی خوبصورت تصاویر شیئر کر رہی ہوتی ہیں جنہیں انٹرنیٹ صارفین کی جانب سے خوب پسند کیا جاتا ہے۔
View this post on Instagram
حال ہی میں مریم نواز نے اپنے بچپن کی تصویر شیئر کی ہے جس میں اُنہوں نے غالباً اسکول یونیفارم پہنا ہوا ہے۔مریم نواز کا اپنی اس پوسٹ کے کیپشن میں فالوورز سے پوچھنا ہے کہ اندازہ لگائیں کہ یہ کون ہے؟
اس پوسٹ کے کمنٹ باکس میں مداحوں کا بلا جھجک کہنا ہے کہ یہ کسی اور کے بچپن کی تصویر نہیں بلکہ مریم نواز کے ہی بچپن کا فوٹو ہے۔