علی اکبر:مسلم لیگ ق کے رہنماء چوہدری پرویز الہی نے کہا ہے کہ حکمران جماعت نے صرف کرپشن کا ریکارڈ قائم کیا ہے۔ مستقبل صرف مسلم لیگ ق کا ہے۔
چوہدری پرویزالٰہی اور سابق وفاقی وزیر چودھری وجاہت حسین سے سیالکوٹ یوتھ ونگ کے صدر و ٹکٹ ہولڈر صدف بٹ نے وفد کے ہمراہ ملاقات کی۔ وفد میں مرزا مظہر مشتاق، ڈاکٹر شہزاد نسیم، راحت بٹ، تجمل بٹ، اشفاق سلہری، چودھری عمر، رانا نور احمد، سید حسن شاہ، چودھری جمشید، حاجی ارشد مغل اور ملک فیض اعوان شامل تھے۔
چودھری پرویزالٰہی نے ملاقات میں سیالکوٹ میں رکنیت سازی کیمپ لگانے کی منظوری دیتے ہوئے کہا کہ علامہ اقبال کے شہر سے تعلق رکھنے والوں پر خصوصی ذمہ داری عائد ہوتی ہے کہ وہ پاکستان کی خالق جماعت کو مزید مضبوط اور فعال بنانے کیلئے اہم کردار ادا کریں تاکہ تمام مسلم لیگیوں کو متحد کر کے ایک بار پھر تاریخی کردار ادا کر سکے۔