بسام سلطان: کمشنر لاہور زید بن مقصود کا کنٹرولڈ ایکسیس کوریڈور بند روڈ کا دورہ ،دورے کے دوران انہوں نے وزیراعلی پنجاب کے منصوبے کی جلد تکمیل کے لیے ایکشن پلان پر عملدرآمد کا جائزہ لیا ۔
کمشنر لاہور کے دورے پر ڈی سی لاہور رافعہ حیدر، ڈی جی ایل ڈی اے طاہر فاروق ،سی او ایم سی ایل سید علی عباس بخار ی اور سی ای ایل ڈبلیو ایم سی بابر صاحبدین بھی ان کے ہمراہ موجود تھے۔
زید بن مقصود نے وزیراعلی پنجاب مریم نواز کے دورے کی روشنی میں منصوبے کی جلد تکمیل کے لیے ایکشن پلان پر عملدرآمد کا جائزہ لیا۔
کمشنر لاہور نے پیکیج ٹو کی سروس روڈ تعمیر پیشرفت کا جائزہ لینے کیلئے دونوں اطراف کا دورہ کیا، بند روڈ منصوبے کے مختلف سیکشنز پر ڈی جی ایل ڈی اے طاہر فاروق نے بریفنگ دی۔
بریفنگ میں بتایا گیا کہ کنٹرولڈ ایکسیس کوریڈور کے دونوں پیکجز کے ہائی رائزڈ اہریا پر ٹریفک روانی سے جاری ہے۔
ٹریفک رواں کا کہنا ہے کہ کنٹرولڈ ایکسیس کوریڈور بند روڈ کے پیکج ون کے اطراف سروس روڈ کا کام 98 فیصد مکمل کر لیا گیا ہے ۔