اسرار خان:  سبزہ زار میں موٹرسائیکل سواروں نے فائرنگ کر کے شہری کو قتل کر دیا۔سی سی پی او نے واقعہ کا نوٹس لیتے ہوئے ملزموں کی جلد گرفتاری کا حکم دے دیا ۔

پولیس کے مطابق واقعہ کھاڑک نالا سٹاپ کے قریب ملتان روڈ پر پیش آیا۔ جہاں موٹر سائیکل سواروں نے فائرنگ کر کے 35 سالہ نوید احمد کو قتل کر دیا اور موقع سے فرار ہو گئے ۔واردات کی اطلاع ملنے پر پولیس موقع پر پہنچ گئی اور فرانزک ٹیمز کی مدد سے شواہد اکٹھے کر کے لاش پوسٹ مارٹم کے لئے مردہ خانے منتقل کر دی ۔

پولیس کا کہنا ہے ابتدائی تحقیقات میں واقعہ ذاتی عداوت کا نتیجہ معلوم ہوتا ہے۔ تاہم مختلف پہلوؤں پر تحقیقات کی جا رہی ہے ۔ سی سی پی او بلال صدیق کمیانہ نے واقعہ کا نوٹس لیتے ہوئے ایس پی اقبال ٹاؤن سے رپورٹ طلب کر لی ہےاور ملزموں کی جلد گرفتاری کا حکم دیا ہے ۔