سٹی 42 : آئی سی سی نے ون ڈے کی نئی پلیئرز  رینکنگ جاری کردی ہے۔

آئی سی سی ون ڈے پلیئرز  رینکنگ میں بیٹرز کی فہرست میں بھارتی اوپنر شبمن گل پہلے نمبر پر براجمان ہیں، پاکستان کے بابر اعظم دوسری پوزیشن پر ہیں۔

چیمپئنر ٹرافی میں گرین شرٹس کے ساتھ ہونے والے میچ میں سنچری بنانے والے بھارتی اسٹار ویرات کوہلی رینکنگ میں ایک درجہ ترقی پا کر پانچویں نمبرپر آگئے ہیں۔

 چیمپئنز ٹرافی کے افتتاحی میچ میں پاکستان کے خلاف کیوی ٹیم کے سنچری میکر ول ینگ آٹھ درجہ ترقی کے بعد 14 ویں نمبر پرآگئے ہیں۔

پاکستان کے فخر زمان کی رینکنگ میں تین درجہ تنزلی ہوئی ہے اور  وہ 18 ویں نمبر  پر چلےگئے ہیں۔

پاکستانی کپتان محمد رضوان 4 درجہ تنزلی کے بعد 20 ویں نمبر  پر چلےگئے ہیں۔

بولرز میں شاہین آفریدی پانچ درجہ تنزلی کے بعد 9 ویں نمبر  پر چلےگئے ہیں، سری لنکا کے مہیش تھیکشانا کا پہلا نمبر برقرار ہے۔

آسٹریلیا کے ایڈم زمپا 2 درجہ ترقی کے بعد ٹاپ ٹین میں آگئے ہیں۔