سٹی 42 : محکمہ موسمیات نے کہا ہے کہ ملک کے بیشتر علاقوں میں موسم سرد جبکہ پہاڑی علاقوں میں شدیدسرد رہنے کا امکان ہے، تاہم کشمیراور ملحقہ پہا ڑی علا قوں میں مطلع جز وی ابر آلود رہنے کے علا وہ چند مقامات پر ہلکی بارش/ہلکی برفباری ہو سکتی ہے، اس کے علاوہ پنجاب کے زیادہ ترمیدانی علا قوں، خیبر پختو نخوا اور با لا ئی سندھ میں سموگ/دُھند چھائے رہنے کی توقع ہے۔

جعمہ کے روزموسم کی صورتحال کے متعلق محکمہ موسمیات کا کہنا ہے کہ اسلام آباد اور گردونواح میں موسم سرد اور مطلع ابر آلود رہنے کے علا وہ شام یا رات میں ہلکی بارش/بو ندا با ندی کی توقع ہے، تاہم صبح کے اوقات میں موسم شدید سرد رہنے کے علاوہ چند مقامات پر کہرا جبکہ بعض مقامات پر دُھند پڑنے کا امکان ہے۔ اس کے علاوہ خیبرپختونخوا کے بیشتر اضلاع میں موسم سرد اورخشک جبکہ پہاڑی علاقوں میں شدید سرد رہنےکے ساتھ ایبٹ آباد، ما نسہرہ، چترال، سوات ، دیر، کو ہستان میں مطلع ابر آلود رہنے کے ساتھ ہلکی بارش/ہلکی برفباری کا امکان ہے، تاہم صبح اور رات کے اوقات میں صوابی، مردان، پشاور، نوشہرہ، کوہاٹ،بنوں، ڈیرہ اسماعیل خان اور گردو نواح میں چند مقامات پر دھند پڑنے کی توقع ہے ۔ 

محکمہ موسمیات کے مطابق پنجاب کے بیشتر اضلاع میں موسم سرد اور خشک رہنے کی توقع ہے، جبکہ مری، گلیات اور گردو نواح میں موسم شدید سرداورمطلع ابر آلود رہنے کے ساتھ ہلکی بارش/ہلکی برفباری کا امکان ہے۔ اسکے علاوہ منگلا، جہلم ، راولپنڈی، سیالکوٹ، نارووال، گوجرانوالہ، لاہور، شیخوپورہ بہاولنگر اور گردو نواح میں شام /رات ہلکی بارش/ بو ندا با ندی ہو سکتی ہے، جبکہ رات اور صبح کے اوقات میں سیالکوٹ، نارووال ،گوجرانوالہ، منگلا، جہلم ، راولپنڈی، لاہور، شیخوپورہ، ،ا وکاڑہ، ساہیوال،سرگودھا، فیصل آباد،جھنگ،بھکر، لیہ ، ملتان،بہاولپور، بہا ولنگر، رحیم یار خان ،ڈی جی خان اور گردونواح میں درمیانی سے شدید دھند /سموگ چھائے رہنے کی توقع ہے ۔ 

محکمہ موسمیات کا کہنا ہے کہ بلوچستان کے بیشتر اضلاع میں موسم سرد اورخشک جبکہ پہاڑی علاقوں میں صبح اور رات کے اوقات میں شدیدسرد رہنے کا امکان ہے۔ سندھ کے بیشتر اضلاع میں موسم سرد اورخشک رہنے کا امکان ہے، تاہم صبح /رات کے اوقات میں سکھر ، شہید بینظیر آباد،شکارپور، کشمور، خیر پور، مو ہنجو دارو اور گردونواح میں درمیانی سے شدید دھند /سموگ چھائے رہنے کی توقع ہے۔ اس کے علاوہ کشمیر اور گلگت بلتستان میں موسم شدید سرد / مطلع ابر آلود رہنے کے ساتھ چند مقامات پر ہلکی بارش/ہلکی برفباری کا امکان ہے۔