عرفان ملک: دہشت گردوں کے خلاف آپریشنز کی استعداد بڑھانے کے لیے سی ٹی ڈی پنجاب کو 1 ارب 90 کروڑ روپے سے زائد کے اضافی فنڈز جاری کیے جا رہے ہیں۔

 ذرائع کے مطابق یہ اضافی فنڈز رواں مالی سال میں سی ٹی ڈی کی ڈیمانڈ پر منظور کیے گئے ہیں۔ان اضافی فنڈز سے ڈیجیٹل میڈیا مانیٹرنگ سافٹ ویئرز، اوپن سورس انٹیلی جنس سسٹم اور جدید آلات کی خریداری کی جائے گی۔

 اس کے علاوہ  10 سال پرانی بم پروف گاڑیوں کی جگہ نئی گاڑیاں فراہم کی جائیں گی جبکہ پانچ ہائی روف کرائم وین وہیکلز بھی خریدی جائیں گی۔

حکام کے مطابق کمانڈ اینڈ کنٹرول ٹرک کو اپگریڈ کرنے کا بھی فیصلہ کیا گیا ہے تاکہ سی ٹی ڈی کی کارکردگی میں مزید بہتری لائی جا سکے اور دہشت گردوں کے خلاف آپریشنز میں تیزی لائی جا سکے۔