ویب ڈیسک : بلندی سے ماں کو گرنے سے بچاتے ہوئےحاضر دماغ چھوٹے بچے کی ایک ویڈیو سوشل میڈیا پر وائرل ہو رہی ہے۔
ایک بھارتی سرکاری افسر دیپانشو کابرہ نے مائیکرو بلاگنگ ویب سائٹ ٹوئٹر پر ایک ویڈیو شیئر کی ہے۔
اُنہوں نے یہ ویڈیو شیئر کرتے ہوئے لکھا کہ اس ویڈیو میں موجود سیڑھی پر کھڑی یہ خاتون گیراج کا دروازہ ٹھیک کر رہی تھیں کہ اچانک ان کی سیڑھی گر گئی۔
اُنہوں نے لکھا کہ جس کے بعد چھوٹے بہادر بچے نے سیڑھی کو دوبارہ اُٹھا کر کھڑا کیا اور والدہ کو گرنے سے بچالیا۔دیپانشو کابرہ نے اپنے ٹوئٹ کے آخر میں لکھا کہ اس ننھے بچے کی عقلمندی اور ہمت کی جتنی بھی تعریف کی جائے کم ہے۔
اس ویڈیو کو اب تک 3 لاکھ سے زائد لوگ دیکھ چکے ہیں اور سوشل میڈیا صارفین کی جانب سے ننھے حاضر دماغ بچے کی بھی خوب تعریفیں کی جارہی ہیں۔