علی ساہی : چہلم حضرت امام حسین پر آئی جی پنجاب ڈاکٹر عثمان انور خود فیلڈ میں موجود مرکزی عزاداری جلوس کے روٹ کا دورہ کیا۔ امام بارگاہ کربلا گامے شاہ کے داخلی گیٹ پر تعینات پولیس افسران، جوانوں کی حوصلہ افزائی کی۔
آئی جی پنجاب ڈاکٹر عثمان انور نے مرکزی عزاداری جلوس کے روٹ، مختلف پوائنٹس پر تعینات جوانوں کو الرٹ ہو کر ڈیوٹی کرنے کی ہدایت کی۔ڈی آئی جی آپریشنز لاہور محمد فیصل کامران نے آئی جی پنجاب کو سکیورٹی انتظامات پر بریفنگ دی۔آئی جی پنجاب نے سکیورٹی پر مامور پولیس اہلکاروں کی حوصلہ افزائی کی۔
عثمان انور نے امن کمیٹی کے ارکان، عزاداروں سے ملاقات کی۔ سکیورٹی انتظامات اور سہولیات کے بارےمیں استفسارکیا۔انہوں نےکہا پنجاب پولیس کے 30 ہزار افسران، جوان جلوسوں اور مجالس کی سکیورٹی یقینی بنا رہے ہیں۔