ویب ڈیسک:پاکستانی اداکارہ درِفشاں سلیم کی پرانی تصویر نے منظرِ عام پر آکر مداحوں کو شدید حیرت میں مبتلا کردیا۔
تفصیلات کےمطابق درِفشاں سلیم ان دنوں پاکستانی شوبز انڈسٹری پر راج کر رہی ہیں اور اسکی خاص وجہ ان کی حقیقت پسند اداکاری کے علاوہ ان کا آسمان چھوتا حسن بھی ہے، اداکارہ جس بھی اداکار کے ساتھ کاسٹ کی جارہی ہیں وہ جوڑی ناظرین کی جانب سے بے حد پسند کی جارہی ہے اور اسکی ایک مثال ڈراما ’ عشق مرشد‘ میں درِ فشاں کی اداکار بلال عباس کے ساتھ جوڑی ہے۔
درِفشاں سلیم کا نہ صرف ڈراما ' عشق مرشد' مداحوں کی جانب سے پسند کیا گیا بلکہ اداکار فیصل قریشی کے ساتھ کیا گیا ڈراما ' خئی' بھی ناظرین کے دل جیتنے میں کامیاب رہا۔
سوشل میڈیا پر ایک تصویر زیرِ گردش ہے جسے درِفشاں کی پرانی تصویر قرار دیا جارہا ہے اور تصویر میں وہ بے حد مختلف نظر آرہی ہیں،وائرل ہونے والی اس تصویر میں درِ فشاں کسی شادی کی تقریب کے لئے تیار ہوئی نظر آرہی ہیں اور ماتھے پر ٹیکا لگایا ہوا ہے۔
آج کے مقابلے میں انکی رنگت سانولی جبکہ چہرے کے فیچرز بھی کافی مختلف دکھائی دے رہے ہیں جنہیں دیکھ کر مداح حیران ہیں کہ آیا درِ فشاں کی خوبصورتی بھی مصنوعی ہے؟
ایک صارف نے لکھا کہ ’ بعد میں ڈرپ لگاوالی باجی نے اور ناک بھی ٹھیک کروالی‘ ، جبکہ ایک اور صارف نے لکھا کہ ’تو یہ عام گھر کی ہی لڑکیاں ہوتی ہیں پھر میڈیا نکھار دیتا ہے‘۔
ایک انسٹاگرام صارف نے درِفشاں کے حق میں لکھا کہ ’ہم سب ایسے ہی ہوتے ہیں ٹین ایج میں، پرانی تصاویر نکالیں اپنی اپنی ایسی ہی ہونگی، شناختی کارڈ تک پر عجیب فوٹو ہوتی ہے‘۔