ویب ڈیسک:پاکستانی ڈراما انڈسٹری کی اداکارہ صبا قمر نے متعدد سپرہٹ سیریلز میں کام کیا جبکہ فلموں میں بھی ان کی اداکاری نے ناظرین کے دل جیت لئے ان کی مقبولیت کا اندازہ اس بات سے بھی لگایا جاسکتا ہے کہ وہ بالی ووڈ انڈسٹری میں بھی کام کرچکی ہیں، نئی تصاویر وائرل ہونے پر سوشل میڈیا صارفین ان کو عائزہ خان کے مشابہہ قرار دے دیا۔
تفصیلات کے مطابق اداکارہ صبا قمر نے اپنے کیریئر کا آغاز 2004ء میں کیا اور پھر اداکاری کی دنیا میں قدم جمانے کے بعد کبھی پیچھے مڑ کر نہ دیکھا، انہوں نے ناصرف پاکستان بلکہ بھارت میں لیجنڈری اداکار عرفان کے ہمراہ اپنی اداکاری کے جوہر دکھائے اور سرحد پار بھی اپنے فن کا لوہا منوایا۔
حال ہی میں اداکارہ صبا قمر نے فوٹو اینڈ ویڈیو شیئرنگ ایپ انسٹاگرام پر تہلکہ خیز فوٹو شوٹ شیئر کیا جس میں انکا لُک دیکھ مداح دیوانے ہوگئے، تصاویر میں اداکارہ صبا قمر سیاہ منی ٹاپ اور جینز میں ملبوس ہیں جبکہ انہوں نے اپنے سر کو اسکارف سے ڈھانپنے کے ساتھ ایک کاندھے پر سیاہ اور سفید چمکتا دمکتا کوٹ بھی ڈالا ہوا ہے جو نہ صرف انکے لُک کو چار چاندلگارہا بلکہ انہیں اب تک کے شوٹ میں سب سے انفرادی پہچان بھی دلوارہا تھا، گرے لینز اور مدھم میک اداکارہ اور بھی حسین لگ رہی ہیں۔
اداکارہ صبا قمر نے تصاویر میں معروف کلاتھنگ برانڈ ’ حسین ریہر’ کا لباس زیب تن کیا ہوا ہےجسے نہ صرف انکے مداحوں نے بے حد پسند کیا بلکہ شوبز ستارے بھی اداکارہ کی تعریف کئے بغیر رہ نہیں سکے۔
سوشل میڈیا صارفین نے صبا قمر کے ان نازو انداز کو دیکھنے کے بعد کمنٹ سیکشن کا رخ کرتے ہوئے انکے نام تعریفی پیغامات جاری کردیے،کسی نے اداکارہ کے لباس کی تعریف تو کوئی انکی میک اپ بر بات کرتا نظر آیا اسی کے ساتھ کئی صارفین ایسے بھی جنہوں نے صبا قمر کو اداکارہ عائزہ خان نے مشابہہ قرار دے دیا۔