ویب ڈیسک: نیزہ بازی ورلڈکپ میں پاکستان نے آخری دن 2 گولڈ میڈلز جیت لئے۔ 

تفصیلات کے مطابق پاکستانی گھڑ سوار تصور عباس لک نے انفرادی طور پر گولڈ میڈل جیتا۔ اس کے علاوہ آخری دن پاکستان نے ٹیم ایونٹ میں بھی نمبر ون رہتے ہوئے گولڈ میڈل جیتا۔ 

مجموعی طور پر پاکستان ورلڈکپ میں  دوسرے نمبر پر رہا , سعودی عرب پہلے اور بھارت تیسرے نمبر پر رہا ۔ نیزہ بازی ورلڈکپ میں پاکستان نے مجموعی طور پر 5 میڈلز جیتے۔  

صدر پاکستان فیڈریشن نے کہا کہ پاکستان نے ورلڈکپ میں ورلڈکلاس پرفارمنس دی۔ 

صاحبزادہ سلطان محمد علی کا کہنا ہے کہ پاکستانی گھڑسواروں نے دنیا کو بتادیا کہ وہ ورلڈکلاس سوار ہیں۔