ویب ڈیسک: بال بال مہنگائی میں جکڑے عوام کو گورنر سندھ نے بالوں کی اسٹائلنگ کا مشورہ دے دیا۔

سوشل میڈیا پر وائرل ویڈیو میں دیکھا اور سنا جا سکتا ہے کہ گورنر سندھ کہتے ہیں میرے اس نئے انداز کی وجہ شعیب نائی ہیں۔گورنر سندھ نے کہا کہ اگر آپ کو بھی میرا اسٹائل پسند آیا ہے تو آپ بھی شعیب نائی سے بال بنوائیں ۔ کامران ٹیسوری کا کہنا تھا کہ شعیب نائی کی ایک جگہ نہیں بلکہ کئی جگہ شاخیں موجود ہیں۔

حجام کی مشہوری کرنے والے صاحب کو لگانے والوں نے قوم کی حجامت کا کیا خوب انتظام کیا ہے۔#kamrantessori #GovernorSindh pic.twitter.com/dLnj0GwCgF

— Shahzad Qureshi (@ShahzadQPTI) August 26, 2023

گورنر سندھ کی یہ ویڈیو سوشل میڈیا پر وائرل ہوگئی۔ اور اس پر دلچسپ میمز بنائی جارہی ہیں۔ جبکہ متعدد صارفین گورنر کو تنقید کا نشانہ بھی بنارہے ہیں۔ادھر شعیب حجام کا وضاحتی بیان بھی سامنے آگیا۔ اس نے کہا کہ میری کاروباری پریشانیاں ہیں۔ گورنر سندھ کامران ٹیسوری سے درخواست کی تھی کہ میری پذیرائی کیلئے ویڈیو بیان جاری کریں جس پر گورنر سندھ نے بیان جاری کیا ان کو بلاوجہ تنقید کا نشانہ بنایا جا رہا ہے۔

دوسری جانب ترجمان گورنر ہاؤس کا کہنا ہے گورنر سندھ ہر طبقے کی نمائندگی کرتے ہیں۔ نائی شعیب نے درخواست کی تو گورنر سندھ نے اس کیلئے ایک وڈیو بیان جاری کیا۔