سٹی 42 : وزیراعلی مریم نواز نے پاکستان کی تاریخ کا سب سے بڑا ایگریکلچر گریجوایٹ انٹرن شپ پروگرام لانچ کردیا ۔ 

وزیراعلیٰ مریم نواز فیصل آباد میں  یونیورسٹی آف ایگریکلچر پہنچ گئیں ۔ مریم نواز نے یونیورسٹی آف ایگریکلچرکے اساتذہ اور طلبہ سے ملاقاتیں کیں، انہوں نے ایگریکلچر گریجوایٹس طلبا و طالبات میں اپوائنٹمنٹ لیٹر تقسیم کئے ۔  مریم نواز نے طلبہ کے پاس جا کر میرٹ پر سیلیکشن کے بارے میں دریافت کیا، طلبہ نے سیلفیاں بھی بنوائی۔ 

وزیر اعلیٰ مریم نواز نے نعت رسول مقبول پیش کرنے والی انیلہ حسین کو اپنی نشست سے آٹھ کر شاباش دی۔ مریم نوار نے کہا کہ ایک ہزار ایگریکلچر گریجوایٹس کو ماہانہ 60ہزار روپے سکالر شپ دیا جائے گا ۔ 

تقریب سے صوبائی وزیر زراعت عاشق حسین کرمانی اور سیکرٹری زراعت افتخار سہو نے بھی خطاب کیا۔ 

سینٹر پرویز رشید، وفاقی مشیر رانا ثناء اللہ، سینئر منسٹر مریم اورنگزیب،صوبائی وزیر اطلاعات و ثقافت عظمی زاہد بخاری،معاون خصوصی ذیشان ملک ، طلال چوہدری،ایم پی اے ثانیہ عاشق، عابد شیر علی،چیف سیکرٹری زاہد اختر زمان، آئی جی اور سیکرٹری زراعت، سیکرٹری اطلاعات دیگر حکام بھی اس موقع پر موجود تھے۔