سٹی42: چیف جسٹس قاضی فائز عیسیٰ کی ریٹائرمنٹ پرسپریم کورٹ بار اور پاکستان بار کونسل کی جانب سے الوداعی عشائیہ دیا گیا۔ عشائیہ میں ملک کے کالے کوٹوں میں سے بہترین لوگ موجود تھے جبکہ سپریم کورٹ کے بیشتر ججز، اسلام آباد اور لاہور ہائی کورٹ کے چیف جسٹس بھی اس ڈنر میں موجود تھے۔
عشائیہ میں چیف جسٹس اِن ویٹنگ مسٹر جسٹس یحییٰ آفریدی،جسٹس محمد علی مظہر ،جسٹس امین الدین، جسٹس جمال مندوخیل،جسٹس حسن اظہر رضوی،جسٹس عرفان سعادت، جسٹس مسرت ہلالی، جسٹس نعیم اختر افغان اور جسٹس عقیل عباسی نے بھی شرکت کی۔ ایڈہاک ججز جسٹس سردار طارق مسعود اور جسٹس مظہر عالم میاں خیل بھی وکلا کی پرائم تنظیموں کے اس عشائیہ میں شریک ہوئے۔ ،چیف جسٹس اسلام آباد ہائیکورٹ عامر فاروق،جسٹس محسن اختر کیانی ،جسٹس میاں گل حسن اور جسٹس ارباب طاہر کے علاوہ ،چیف جسٹس لاہور ہائیکورٹ جسٹس عالیہ نیلم بھی وکلا کی جانب سے چیف جسٹس قاضی فائز عیسیٰ کیلئے الوداعی ڈنر میں موجود تھے۔
جسٹس منیب اختر،جسٹس اطہر من اللہ،جسٹس عائشہ ملک اور جسٹس شاہد وحید دعوت دیئے جانے کے باوجود عشائیہ میں نہیں پہنچے۔