(عابد چوہدری)فرسٹ ایئر کی طالبہ چوہنگ میں سڑک کراس کرتے ہوئے کنٹینر کی زد میں آ کر جاں بحق ہو گئی، پولیس نے ڈرائیور کو حراست میں لیکر کارروائی شروع کر دی ہے۔
پولیس کے مطابق چوہنگ کے علاقے شاہ پور کانجراں کی رہائشی فرسٹ ایئر کی طالبہ اپنے بھائی کے ہمراہ گھر سے کالج جانے کے لئے نکلی اور ملتان روڈ پر سڑک کراس کرتے ہوئے کنٹینر کی زد میں آ گئی،زخموں کی تاب نہ لاتے ہوئے نمرہ موقع پر ہی جاں بحق ہو گئی جبکہ اسکے بھائی کو زخمی حالت میں جناح ہسپتال منتقل کر دیا گیا ہے۔
پولیس نے موقع پر پہنچ کر کنٹینر ڈرائیور کو حراست میں لے لیا،پولیس کا کہنا ہے کہ طالبہ کی لاش مردہ خانے منتقل کر دی گئی ہے،کنٹینر قبضے میں لیکر قانونی کارروائی کی جا رہی ہے۔