(محمدساجد) ٹی 20ورلڈکپ میں بھارت کی بدترین شکست پر سوشل میڈیا پر میمز کا طوفان امڈ آیا جبکہ پاکستانی کرکٹ شائقین اور شوبز ستارے بھی اس تاریخی شکست پر بھارت کو حوصلہ دیتے نظرآرہے ہیں، اداکار مومن ثاقب کی ایک نئی ویڈیو منظر عام پر آئی جس میں وہ بتارہے ہیں کہ اس بارے واقعی میرے جذبات، وقت اور حالات بدل گئے۔
ٹی ٹوئنٹی ورلڈکپ میں بھارت کے خلاف تاریخی جیت کے بعد پاکستانی کرکٹ شائقین، سیاست دان، اداکار اور دیگر حلقوں سے تعلق رکھنے والے شاہنیوں کو خوب داد رہے ہیں ، انٹرنیشنل کرکٹ کونسل (آئی سی سی) نے اداکار مومن ثاقب کی ایک دلچسپ ویڈیو شیئر کی، جس میں وہ سٹائل بناتے بتا رہے ہیں کہ اس دفعہ تو واقعی میرے وقت بدل دیے، حالات بدل دیے اور جذبات بدل دیے۔
ویڈیو میں وہ مزید حیرانگی کی کیفت اپناتے کہہ رہے ہیں کہ 10 وکٹوں سے یار! کوئی طریقہ ہوتا ہے جیتنے کا، اتنی بری طرح ہاریا یار، اب ریکارڈ توڑنا تھا تو ایسے تو ہارنا تھا نا۔
آئی سی سی کی جانب سے شیئر کی گئی اس ویڈیو میں دیکھا جاسکتا ہے کہ اداکارہ مومن ثاقب دبئی سٹیڈیم میں کھڑے ہیں اور پاکستانی کرکٹ ٹیم نے بے پناہ محبت کا اظہار کررہے ہیں،ویڈیو کے آخر میں ان کا کہنا تھا کہ نیوزی لینڈ کے ساتھ مقابلے میں ہماری سپورٹ قومی ٹیم کے ساتھ ہے۔