ارشاد قریشی : تعلیمی بورڈ راولپنڈی نے کل ہونے والا فزکس کا پریکٹیکل ملتوی کردیا ۔
کنٹرولر امتحانات کے مطابق ڈپٹی کمشنر کی جانب سے تمام تعلیمی اداروں میں عام تعطیل کا نوٹیفکیشن جاری کیا گیا ہے، جس پر کل ہونے والا فزکس کا پریکٹیکل ملتوی کیا گیا ہے۔ ملتوی شدہ عملی امتحان کی نئی تاریخ کا اعلان بعد میں کیا جائے گا ۔
کنٹرولر تعلیمی بورڈ تنویر اصغر اعوان کا کہنا ہے کہ تمام امیدواران کو بورڈ کی طرف سے باقاعدہ طور پر مطلع کیا جائے گا، ضلع راولپنڈی کے علاوہ تمام اضلاع میں پریکٹیکل ڈیٹ شیٹ کے مطابق ہوں گے ، اس میں کوئی رد و بدل نہیں کیا گیا۔